↪Part_08💝 ☪ AAQA ﷺ KA MAHINA ☪
〰〰〰〰〰〰〰〰〰〰〰〰〰〰
➡Qabristan Me Us Aam Raaste Se Na Jaae Jaha'n Maazi Me Kabhi Bhi Musalmano'n Ki Qabre'n Na Thi, Jo Raasta Naya Bana Huwa Ho Uspar Na Chale
📌"Raddul Muhtaar" Me Hai:- (Qabristan Me Qabre'n Paat Par) Jo Naya Raasta Nikala Gaya Ho Uspar Chalna Haraam Hai Balki Naye Raaste Ka Sirf Gumaane Ghaalib Ho Tab Bhi Uspar Chalna Na Jaaiz wa Gunaah Hai
➡Ziyaarat-e-Qabr Maiyyit Ke Muwaajaha Me (Ya'ni Chehre Ke Saamne) Khade Ho kar Ho Aur Us (Ya'ni Qabr Wale) Ki Paainti (Ya'ni Qadmo) Ki Taraf Se Jaae Ki Us Ki Nigaah Ke Saamne Ho, Sirhaane Se Na Aae Ki Use Sar Uthaa Kar Dekhna Pade
📚Fatawa Razviya
(Jild-09, Safa-532)
➡Qabristan Me Is Tarah Khade Ho Ki Qible Ki Taraf Peeth Aur Qabr Waalo Ke Chehro'n Ki Taraf Muh Ho Iske Baad Kahiye
"Ae Qabr Waalo ! Tum Par Salaam Ho , ALLAH Ta'aala Hamaari Aur Tumhari Maghfirat Farmaae, Tum Hamse Pehle Aagae Aur Ham Tumhare Baad Aane Waale Hai "
📚Fatawa Aalamgiri
(Jild-05, Safa-350)
➡Shafi-e-Mujrimaan Sallallahu Alaihi wa Sallam Ka Farmane Shafa'at Nishan Hai:- " Jo Shakhs Qabristan Me Daakhil Huwa Phir Usne Surat-ul-Fatiha, Surat-ul-Ikhlaas Aur Suratutkaasur Padhi Phir Yeh Dua Maangi : " Ya ALLAH ! Maine Jo Kuchh Quraan Padha Uskaa Sawaab Is Qabristan Ke Momin Mardo'n Aur Aurato'n Ko Pahuncha To Woh Momin Qiyamat Ke Roz Is (Ya'ni Isaale Sawab Karne Waale) Ke Sifaarish Honge
📌Hadees-e-Paak Me Hai Jo 11 Baar Suratul Ikhlaas Padh Kar Iska Sawab Murdo'n Ko Pahunchaae To Murdo'n Ki Ginti Ke Baraabar Use (Ya'ni Isaale Sawab Karne Waale Ko) Sawab Milega"
📚Durre Mikhtaar
(Jild-03, Safa-183)
➡Qabr Ke Upar Agarbatti Na Jalaai Jaae Isme Soo-e-Adab (Ya'ni Be Adabi) Aur Badd Faali Hai (Aur Isse Maiyyit Ko Taqlif Pahunchti Hai) Ha'n Agar (Haazireen Ko) Khusbu Pahunchane Ke Liye Lagaana Chahe To Qabr Ke Paas Khaali Jagah Ho Waha'n Lagaae Ki Khushbu Pahunchana Mahbub (Ya'ni Pasandida) Hai
📚Fatawa Razviya
(Jild-09, Safa-525)
➡Qabr Par Charaag Yaa Mombatti Waghaira Na Rakkhe Ki Yeh Aag Hai Aur Qabr Par Aag Rakhne Se Maiyyit Ko Aaziyyat (Ya'ni Taqlif) Pahunchti Hai ,Ha'n Raat Me Raah Chalne Waalo Ke Liye Roshni Maqsood Ho To Qabr Ke Ek Jaanib Khaali Zameen Par Mombatti Yaa Charaag Rakh Sakte Hai
🔃Topic Over 🔚🔚↔🔙
______________________________________
✍Post Written By:- Riyaz Barkati @ +9779804028619
